ዝሓየለት ካናዳ ንኢሚግሬሽን ብዝሓሸ ራእይ እያ ትጅምር

ሎሚ ሚያዝያ 15, 2025፡ ISSofBC ምስ ልዕሊ 180+ ማሕበረሰባዊ ትካላት ፡ ጉጅለታት ንግዲ፡ ከምኡ’ውን ካልኦት ካብ መላእ ካናዳ፡ ንኹሎም መራሕትና ፌደራል ፡ ንኢሚግሬሽን ዝጥርንፍ፡ ሓባራዊ ምዕባለ ዝፈጥር፡ ኣብ ሓባራዊ ረብሓናን ዝሓሸ መጻእን ዘተኮረ ኣወንታዊ ራእይ ከሐድሱ ይጽውዕ ኣሎ።

ቅድሚ እቲ ንዕለት 28 ሚያዝያ ዝካየድ ፌደራላዊ ምርጫ ካናዳ ፡ ንኹሎም ካናዳውያን፡ ኣረጋውያንን ሓደስቲን ዝጠቅም ሃገራዊ ስርዓተ ኢሚግሬሽን ምህናጽ ኣገዳስነቱ ከነልዕል ተስፋ ንገብር።

ድምጽኹም ኣብ ምንቅስቓስ The Canada We Believe In ወስኹ፣ ኣብ believe-in-canada.ca ተወከሱ

ኢሚግሬሽን ካብ ነዊሕ እዋን ኣትሒዙ ኣብ ሕመረት ዓወት ካናዳ ኮይኑ፡ ቁጠባና ዘሐይል፡ ማሕበረሰባትና ዘሀብትም፡ ከምኡ’ውን ከም ተቐባሊት፡ ንኹሉ ዝሓቁፍ ሃገር መንነትና ዝቐርጽ እዩ። ሎሚ ግን ኣብ ስርዓተ ኢሚግሬሽንና ዘሎ እምነት ይንቀሳቐስ ኣሎ፡ ምስኡ ድማ ካናዳ እትውክሎ መብጽዓ።

ዓለማዊ ዝናና ይኹን መጻኢ ብልጽግና ከም ንቡር ክንወስዶ ኣይንኽእልን ኢና። ንኽንሰስን፡ ፍትሓዊ፡ ምላሽ ዝህብን ምስቲ ሓደስቲ መጻእቲ ዘጋጥሞም ክውንነት ዝሰማማዕን ስርዓተ ኢሚግሬሽን የድልየና። ላዕለዎት ዓለማዊ ተውህቦታት ክንስሕብ፡ ነቶም ድሮ ኣብ ቁጠባና ኣበርክቶ ዝገብሩ ዘለዉ ስሩዕ ምግባር ክንድግፍ፡ ሓደስቲ መጻእቲ ድማ መንበሪ ኣባይቲ፡ ክንክን ጥዕናን ትምህርትን ክረኽቡ ከም ዝኽእሉ ከነረጋግጽ ይግባእ።

ማዕረ ማዕሪኡ ድማ ጸረ ስደተኛታት ዘረባታት ክንቃወም፡ ሰብኣዊ መደባት ከነሐይል፡ ንዓወት ብቑጽርን ውጽኢትን ንሰባትን ማሕበረሰባትን ክንገልጾ ይግባእ።

ኣብዚ ምርጫ፡ ኩሎም መራሕቲ ፌደራላዊ ውድባት፡ ንኢሚግሬሽን ዝምልከት ዝተሓደሰ ራእይ - ኣብ ፍትሓውነት፡ ምውህሃድን ሓባራዊ ብልጽግናን ዝሰረተ ራእይ ክኣትዉ ንጽውዕ። ኣብ መላእ ካናዳ ልዕሊ 180 ማሕበረሰባውን ንግዳውን ጉጅለታት ድሮ ኣብዚ ጻውዒት ተጸንቢሮም ኣለዉ። ምትእምማን ዳግማይ ክንሃንጽ፡ ክብርታትና ደጊምና ከነረጋግጽ፡ ንኹሉ ዝሰርሕ መጻኢ ክንቀርጽ ግዜኡ እዩ።

ድምጽኻ ኣገዳሲ እዩ። ምስታፍ። ድምጺ ሃቡ!