ብዓርቢ 24 መጋቢት 2023 ፡ ተወሳኺ ፕሮቶኮል ስምምዕ ውሑስ ሳልሳይ ሃገር (STCA)፡ ካናዳ ኣብ ዘይወግዓዊ መሳገሪ ዶባት ናብ ካናዳ ዝኣተዉ ጠለብቲ ስደተኛታት ናብ ኣመሪካ ናይ ምምላስ ስልጣን ኣስፊሑ። ኣብ ውሽጢ እዚ ሓድሽ ስምምዕ ብርክት ዝበሉ ፍሉያት ነገራት እኳ እንተሃለዉ ፡ ISS of BC ነዚ ፕሮቶኮል ኣይድግፎን እዩ።
እዚ ዝተሰፍሐ STCA ኣብ ድሕነት ጠለብቲ ስደተኛታት ክህልዎ ዝኽእል ኣሉታዊ ሰብኣዊ ጽልዋታት የሻቕለና ። ኩሉ ናይ ስደተኛ ደረጃ ዝደሊ ውልቀሰብ ኣብ ውሽጢ ካናዳ ናይ ምክልኻል ድሌታቱ ክግምገም ዕድል ክህልዎ ኣለዎ ኢልና ንኣምን።
ምስፍሕፋሕ STCA ንጠለባት ስደተኛታት ሓደጋ ይውስኽ ኣብ ርእሲኡ ድማ ሱር ጠንቂ ናይቲ ንርእዮ ዘለና ጃምላዊ ስደት ምፍታሕ ኣይከኣለን።
እዚ ሓድሽ ስምምዕ ካናዳ ከም ፈራሚት ውዕል ስደተኛታት 1951 ን ስዒቡ ዝመጸ ፕሮቶኮላት 1967 ን ከምኡ’ውን ዓንቀጽ 14 ናይቲ ኣብ 1948 ዓ.ም.ፈ. እቲ ሓድሽ STCA ነዞም መሰላት እዚኣቶም ኣብ ካናዳ ድሕነት ንዝደልዩ ሓደስቲ መጻእቲ የዳኽሞም ።
ISS of BC ከም ሓደ መራሒ ስደተኛታት ዘገልግል ትካል መጠን፡ ንሃለዋት ኩሎም ሓደስቲ መጻእቲ ካናዳ ከም ቀዳምነት ይሰርዖ። መንግስቲ ካናዳ ኣብዚ ጉዳይ ተወሳኺ ምምኽኻር ክገብርን ነቲ ሕጂ ዘለዎ መደባቱ ከመዓራርዮን መሰል ናይቶም ዶብ ክሰግሩ ዝፍትኑ ተቓላዕቲ ደቂ ተባዕትዮን ደቂ ኣንስትዮን ህጻናትን ክሕሉ ንላቦ።
ላዕለዋይ ቤት ፍርዲ ካናዳ ብዛዕባ ቅኑዕነት ናይቲ ኣብ መንጎ ካናዳን ኣመሪካን ዝተገብረ ምሉእ ስምምዕ ውሑስ ሳልሳይ ሃገር ክሳብ 30 ሰነ 2023 ክዝርግሖ ምዃኑ ነስተብህል።ኣብ ዝቕጽሉ ኣዋርሕ ኣብ ዙርያ ውሳነኦም ዘሎ ዜና ብቐረባ ክንከታተሎ ኢና።
